MacAdam’s Inventory O A Tourist Trap by Andrew Philip

Title: MacAdam’s Inventory O A Tourist Trap
Author: Andrew Philip
Number: 7/100
Allocated Postcode: EH6

MacAdam’s Inventory O A Tourist Trap

Fully pleyable Celtic hairps.
Robert the Bruce’s dunnerin hairt.

Flatpack kists o Stirling Brig
wi clear assembly, written in Pict-

ograms. The Scotochronicon in Ur-Glasgwegian.
Stanes o Destiny, repatriation

in wi the price. Plastic kilts.
Haggis-flavoured chocolate keich.

The Honours o Scotlan, haun picked
for waddings, birthdays and Burns nichts.

(Nou in stock:
de luxe edition wi Walter Scott.)

Colloquial Gaelic in Three Myths.
Genuine sporran, complete wi moths.

John Knox voodoo dolls made wi yer breiks.
A brief, dreich guide tae life in Leith.

Wi purchases ower the price o a dram,
a complementary clearance fae wir factor’s man.

****

Click here for a Scots glossary on Andrew Philip’s website.